«Ystanbul» megajobasy: Túrkııada alǵashqy kópirdiń irgetasy qalanady

YSTANBUL. Anadoly - QazAqparat – Senbi kúni Túrkııada «Ystanbul» megajobasyn júzege asyrý aıasynda alǵashqy kópirdiń irgetasy qalanady, dep habarlaıdy QazAqparat Anadoly agenttigine silteme jasap.

«Sazlydere» sý qoımasy arqyly ótetin birinshi kópirdiń irgetasyn qalaý rásimine Túrkııa prezıdenti Rejep Taıyp Erdoǵan, Túrkııanyń kólik jáne ınfraqurylym mınıstri Ádil Karaısmaıloǵlý jáne taǵy basqalary qatysady.

Bosfor buǵazyn aınalyp ótetin jasandy kólik arterııasy Qara jáne Marmara teńizderin baılanystyrady. Bul, Túrkııanyń halyqaralyq saýdadaǵy rólin arttyrmaq.

Álemdegi júktemesi eń kóp teńiz joldarynyń biri – Bosfor arqyly jyl saıyn 43 myńnan astam keme ótedi. Bul kórsetkish halyqaralyq kelisimderge sáıkes 25 myń deńgeıinde belgilengenin aıta keteıik.

Túrkııa bıliginiń boljamyna sáıkes, 2050 jyldan keıin Qara jáne Marmara teńizderi arasyndaǵy keme aǵyny 78 myńǵa jetedi, bul jańa teńiz arterııasyn qurýdyń mańyzdylyǵyn arttyrady.

Kanal uzyndyǵy 45 km quraıdy.