Ystanbul áýejaıynda barlyq reıster toqtatyldy

YSTANBUL. Anadoly-QazAqparat –Dúısenbi kúni aýa raıynyń buzylýyna baılanysty Ystanbul áýejaıynda barlyq reıster toqtatyldy, dep habarlaıdy QazAqparat Anadoly agenttigine silteme jasap.

Áýe aılaǵy ákimshiliginiń málimdeýinshe, buǵan qalyń qar jaýýy sebep.

Al Mynet jańalyqtar portalynyń habarlaýynsha, respýblıkalyq mańyzy bar avtojoldarda qalyń qardyń jaýýy men apattarǵa baılanysty keptelis týyndaǵan. Birneshe saǵatqa Ankara men Ystanbul arasyndaǵy jol, sonymen qatar Ystanbul áýejaıyna aparatyn kireberis joldary jabylǵan.

Qazirgi kezde qalyń qar jaýýynan soltústik-batys provıntsııalarda, Mármár teńizi aýmaǵynda qalypty tirshilik pen kólik qatynasy buzylǵan. Onda birqatar aýdanda ortasha alǵanda 20-30 santımetr qar túsken. Sonymen qatar ortalyq provıntsııalar men eldiń ońtústigine jaýyn-shashyn túsken. Kýrorttyq Antalıa, Marmarıs pen Bodrýmda qar jaýady delingen.