Ystanbul-Astana reısiniń jolaýshylary 70 altyn jıyntyǵyn elge zańsyz alyp ótpek bolǵan
Astana qalasy boıynsha MKD «Áýejaı Astana» keden beketiniń qyzmetkerleri men Astana qalasy boıynsha ETD qyzmetkerleri birlesip, elorda áýejaıynda baǵaly tastarmen kómkerilip, altynnan jasalǵan zergerlik buıymdardyń 70 jıyntyǵyn zańsyz ákelý faktisin anyqtady.
Atap aıtqanda, 1 mamyr kúni «Ystanbul-Astana» avıareısiniń keden baqylaýynan ótip jatqan Qazaqstan Respýblıkasynyń úsh azamatynyń bagajyn rentgen-televızııalyq jabdyqty qoldana otyryp tekserý kezinde jeke zattardan zergerlik buıymdardyń aksessýarlary (zatbelgiler, túımeler, qulyptar, bekitkishter) retinde jasyrylǵan asyl tastary bar altynnan jasalǵan zergerlik buıymdar jıyntyǵy tabyldy. Ónimniń jalpy salmaǵy 800 gramnan asady. Bul buıymdardyń qunyn anyqtaý boıynsha saraptama taǵaıyndalyp, onyń nátıjeleri boıynsha qylmystyq nemese ákimshilik jaýaptylyqqa tartý máselesi qaralady.
Aıta ketsek, baǵaly metaldar men quramynda baǵaly metaldar bar shıkizat taýarlaryna qatysty EAEO kedendik aýmaǵynan ákelý jáne áketý kezinde ruqsat berý tártibi qoldanylady.
