«Ystanbul-Astana» áýe reısinen Túrkııa azamatyn túsirip tastady
ASTANA. QazAqparat - Aǵymdaǵy jylǵy 10-20 sáýir aralyǵynda elimizdiń áýe jáne kólik nysandaryndaǵy qylmystardy boldyrmaý, eskertý jáne tıisti quqyqtyq tártipti saqtaý maqsatynda Kóliktegi ІІD qyzmet kórsetý aýmaǵynda «Quqyqtyq tártip» jedel-profılaktıkalyq is-sharasy bolyp ótti.
Kóliktegi ІІD baspasóz qyzmetiniń habarlaýynsha, atalǵan is-sharany ótkizý kezinde kólik saqshylarymen túrli ákimshilik quqyq buzýshylyqtar jasaǵany úshin 2375, onyń ishinde tyıym salynǵan oryndarda temeki shekkeni úshin 142 quqyq buzýshy ákimshilik jaýapkershilikke tartyldy.
Máselen, Astana qalasy áýejaıyndaǵy Іshki ister jelilik bólimine quqyq buzýshy týraly aqparat kelip túsedi.
Tekserý barysynda 30 jastaǵy Túrkııa Respýblıkasynyń azamaty «Eır-Astana» áýe kompanııasynyń «Ystanbul-Astana» baǵytyndaǵy áýe kemesiniń bortynda temeki shekkeni anyqtaldy. Quqyq buzýshy joǵaryda kórsetilgen áýe reısinen túsirilip alyndy.
Atalǵan fakt boıynsha QR ÁQBtK 441 baby 1 bólimi (Jekelegen qoǵamdyq oryndarda temeki shegýge tyıym salýdy buzý) boıynsha ákimshilik hattama toltyryldy.
Kólik polıtsııasy eskertedi: Qazaqstan Respýblıkasy zańnamasyna sáıkes, jekelegen qoǵamdyq oryndarda temeki shekkeni úshin jeke tulǵalardy úsh aılyq eseptik kórsetkish mólsherinde aıyppul túrinde jaýapkershilikke tartý kózdelgen.
