Ystambuldyń ortalyǵynda bes qabatty ǵımarat opyrylyp tústi
ASTANA. QazAqparat - Ystambul qalasynyń ortalyǵynda bes qabatty ǵımarat opyrylyp tústi. Onyń ishinde adamdar bolýy múmkin, dep habarlaıdy Bı-bı-sı.
«Habertúrik» telearnasy, aldyn ala málimetter boıynsha, eshkim zardap shekpegenin habarlap otyr.
Ǵımarat Ystambuldaǵy eń tanymal jaıaý júrginshiler kósheleriniń biri - Istıklıal kóshesine jaqyn ornalasqan.
Istıklıal ortalyqtaǵy Taksım alańynan bastalyp, Altyn Múıiz shyǵanaǵyna qaraı sozylyp jatyr.
Qurylystyń birinshi qabatynda dámhana ornalasqan, biraq ǵımarat qulaǵan kezde onyń ishinde adamdardyń bolǵan-bolmaǵany ázirge belgisiz bolyp otyr.
Keıbir málimetter boıynsha, mekemeniń ıesi ǵımarattyń opyrylyp qulaıyn dep turǵanyn sezip, dalaǵa shyǵyp úlgergen.
Oqıǵa ornynda órt sóndirýshiler men qutqarýshylar jumys istep jatyr, dep habarlady Hurriyet gazeti.
