Ystambuldaǵy jarylystan qaza tapqandar sany 6-ǵa jetip, 53 adam jaralandy

YSTAMBUL. QazAqparat - Istıklıal jaıaý júrginshiler kóshesinde oryn alǵan jarylystyń neden shyqqany áli anyqtalǵan joq. Habarlamany alǵannan keıin tótenshe jaǵdaı aımaǵyna kóptegen órt sóndirýshiler, polıtsııa men medıtsınalyq toptar jiberildi, dep habarlaıdy QazAqparat Anadolu agenttigine silteme jasap.

Jarylystan keıin polıtsııa Istıklıal kóshesindegi turǵyndardy evakýatsııalady, osy mańdaǵy Taksım meshiti de jabyldy. Tikushaq áýe qaýipsizdigin tekserip jatyr.

Ystambul gýbernatory Ierlıkaıa buǵan deıin 4 adam qaza taýyp, 38 adam jaralanǵanyn habarlaǵan bolatyn. Al qazirgi kezde jarylystan qaza tapqandar sany 6-ǵa jetip, 53 adam jaralanǵany anyqtaldy.

Ystambul bas prokýratýrasy jarylysqa qatysty tergeý jumystaryn bastady. Jarylysqa qatysty barlyq beıne jáne aýdıo jańalyqtardy taratýǵa tyıym salyndy.

Alynǵan málimet boıynsha, Іshki ister mınıstri Súleıman Soılý men Ádilet mınıstri Bekır Bozdag Stambýlǵa ketkeni belgili boldy.