Ystambuldaǵy teraktige baılanysty Qazaqstan baýyrlas túrik halqyna kóńil aıtady - SІM
ASTANA. QazAqparat - Qazaqstan Respýblıkasy Syrtqy ister mınıstrligi Ystambuldaǵy terrorıstik aktine baılanysty málimdeme taratty. Onda Qazaqstan 2016 jylǵy 7 maýsymda Ystambul qalasynda oryn alyp, kóptegen adamdar qurban bolǵan terrorıstik aktini úzildi-kesildi aıyptaıtyny aıtylady. Bul týraly QR Syrtqy ister mınıstrliginiń baspasóz qyzmetinen habarlandy.
«Qazaqstan baýyrlas túrik halqyna jáne qaza bolǵandardyń otbasylaryna kóńil aıtady. Barsha musylman úshin qasıetti Ramazan aıynda jasalǵan terakt terrorısterdiń pasyqtyǵy men qatygezdigin kórsetip, olardyń Islamǵa eshqandaı qatysy joqtyǵyn rastady.
Qazaqstan terrorızmniń órshýine degen óziniń alańdaýshylyǵyn bildirip, álemdik qoǵamdastyqtyń osy zulymdyqty joıý úshin tıimdi ujymdyq kúsh jumyldyrýyn quptaıdy.
Qazaqstan terrorızm qaýipsizdiktiń jahandyq aýqymdaǵy qaýip-qateri ekenine senimdi», - delingen málimdemede.
Budan bólek, halyqaralyq quqyq qaǵıdattaryna jáne BUU Qaýipsizdik Keńesiniń tıisti qararlaryn negizge ala otyryp, Qazaqstan BUU aıasynda álemniń barsha memleketterin terrorızm men ekstremızmniń taralýyna qarsy kúsh biriktirýge shaqyrady.
