Ystambuldaǵy lańkestikten zardap shekkender sany 30 adamǵa jetti
ASTANA. 1 qarasha. QazAqparat - Ystambul qalasynyń ortalyǵynda bolǵan lańkestikten zardap shekkender qatary kóbeıýde.
CNN-Turk telearnasynyń málimettteri boıynsha, 32 adam zardap shekken, dep habarlaıdy RBK agenttigi.
Jaralanǵandardyń ishinde kóshede ketip bara jatqan 17 adam men 15 polıtsııa qyzmetkeri bar. Olardyń jartysy aýrýhanaǵa jatqyzylsa, jartysy alǵashqy kómek kórsetilgennen soń, úılerine qaıtaryldy.
Esterińizge sala keteıik, 31 qazan kúni jergilikti ýaqyt boıynsha saǵat 10.30-da Ystambul ortalyǵyndaǵy Taksım alańynda jarylys bolǵan. Jarylys saldarynan jaqyn jerlerdegi dúkender men dámhanalardyń terezeleri synǵan.
Ystambul polıtsııasynyń bastyǵy habarlaǵandaı, lańkestik árekettiń kózdegen nysany Táýelsizdik eskertkishiniń janyndaǵy Taksım alańynda ornalasqan polıtsııa beketi bolǵan. Lańkestik áreketten keıin polıtsııa ózin qurban etken lańkes pen ol iske qosqan jarylǵysh zattyń qaldyqtaryn tapqan.
Ázirge ekstremıstik toptyń eshqaısysy bul lańkestik áreket úshin jaýapkershilikti óz moıyndaryna alǵan joq.
Qala boıynsha qaýipsizdik sharalary kúsheıtildi. Oqıǵaǵa baılanysty tergeý amaldary júrip jatyr. Operatsııaǵa 6 polıtsııa tikushaǵy jumyldyrylǵan.
