Ystambuldaǵy lańkestik aktiden keıin IM-ine qatystylyǵyna 59 kúdikti ustaldy
ASTANA. QazAqparat - Túrik polıtsııasy Ystambuldaǵy lańkestik aktiden keıin eldiń bes qalasynda lańkestikke qarsy reıdter ótkizdi. TASS-tyń Haber Turk telearnasyna silteme jasap habarlaýynsha, aınala qorshap ustaý Ankarada, Shanlyýrfte, Mersınde, Kılıste ótti.
Barlyǵy 59 adam ustaldy, olar «Islam memleketi» lańkestik tobyna qatysty kúdiktelýde. Ankarada 16 adam ustaldy, onyń 15-i sırııa azamattary. Olardy elden shyǵarýǵa ázirleýde. Basqa qalalarda ustalǵandardyń keıbiri lańkestikke aıyptalýda. Polıtsııanyń atap ótýinshe, olar memlekettik mekemelerdegi álsiz jerlerdi anyqtap, lańkestik akti jasaýdy josparlaǵan.
Seısenbi kúni tańerteń Ystambuldyń tarıhı ortalyǵynda jarylys saldarynan sońǵy málimetter boıynsha 10 adam mert bolǵan jáne 15 adam jaralanǵan. GFR bıliginiń málimetterine qaraǵanda, osy lańkestik aktide segiz nemis azamaty qazaǵa ushyraǵan. Túriktiń «Enı Shafak» gazeti jeti sheteldiktiń mert bolǵanyn keltiredi. Qurban bolǵandardyń úsheýiniń kim ekendigi áli anyqtalǵan joq.
Jarylys kezinde jaraqattanǵan 15 adamnyń ishinde 11 sheteldik bar. Jankeshti-lańkes Sultanahmet alańyndaǵy tramvaı aıaldamasynyń mańynda Germanııa týrısteri tobynyń qasynda ózin jaryp jibergen. Jaralanǵandar jaqyn mańdaǵy aýrýhanalarǵa jetkizildi. Baspasózdiń habarlaýynsha, olardyń arasynda toǵyz Germanııa azamaty men Perýden eki týrıst bar.
