Ystambulda týrıster úshin musylmandyq dress-kod engizilmek
ASTANA. 22 tamyz. QazAqparat - Túrkııa din isteri basqarmasy jańa joba daıyndaýda, oǵan saı Ystambuldaǵy Sultanahmet meshitine kelgen týrıster endi arnaıy musylman kıimin kıip kirýleri kerek bolady.
Jobaǵa sáıkes, jyl saıyn 4-5 mln. adam kelip-ketetin meshitti kórýge kelgen týrıster endi onyń ishine kirý úshin arnaıy musylman úlgisindegi kıimdi kııýge mindetteletin bolady. Meshit aldynda sondaı týrısterge «musylman kıimin» satatyn avtomattar ornatylmaq, dep habarlaıdy Rosbalt Euromag-qa silteme jasap.
Ystambul múftıiniń orynbasary Sabrı Demırdiń aıtýynsha, týrısterge Sultanahmettiń beınesi salynǵan klassıkalyq úlgidegi musylman kóılekteri men bas oramaldar úlestiriletin bolady.
«Osylaısha jıhankezder bul kıimdi arzanǵa satyp alyp, úılerine estelik retinde alyp kete alady», - dedi Demır myrza.
