Ystambulda tártipsizdikter kezinde polıtseı qaza ushyrady
ASTANA. QazAqparat - Ystambuldyń ortalǵyndaǵy úshinshi kún boıy jalǵasyp jatqan tolqýlar barysynda polıtseı qazaǵa ushyrady.
Túrik polıtsııasynyń ofıtseri Muhammet Fatıh Sıvırı tolqýǵa qatysýshylardy tutqyndamaq bolǵan kezde, keýdesinen jaraqat alyp, kóz jumdy, dep habarlady Bı-bı-sı.
Tártipsizdikter juma kúni polıtseılik reıd kezinde saıası top qatysýshylarynyń biri mert bolǵannan keıin bastaldy.
Túrkııadaǵy polıtseılik reıdterdiń maqsaty «Islam memleketi» toptaryn jaqtaýshylar boldy, degenmen polıtseıler solshyl radıkaldardy da tutqynǵa aldy.
Polıtseılik operatsııalar sırııalyq shekara mańyndaǵy túriktiń Sýrých qalasyndaǵy jarylystan keıin ile-shala júrgizildi, bul qaıǵyly oqıǵa 32 adamnyń ómirin qıyp ketken bolatyn. Jarylysty uıymdastyrýǵa «Islam memleketiniń» sodyrlary aıyptalýda.
