Ystambulda sherýshiler polıtsııamen taǵy da qaqtyǵysyp qaldy
ASTANA. 17 maýsym. QazAqparat - Buryn resmı bılik ereýilshilerdi Gezı saıabaǵynan qýyp shyqqanmen, Ystambuldyń birqatar aýdandarynda olardyń tártip saqshylarymen qaqtyǵysýy taǵy oryn aldy, dep habarlaıdy RBK.
Polıtsııa birqatar qala kóshelerin jaýyp tastady, sherýshilerge qarsy sý shashatyn qarý men kózden jas aǵyzatyn gazdar qoldanylýda, dep habarlaıdy Associated Press.
Búgin Túrkııanyń eki iri kásipodaq uıymy polıtsııanyń shamadan tys kúsh kórsetýine narazylyq retinde ereýilge shyǵýǵa nıetti.
Taıaýda Túrkııanyń premer-mınıstri Redjep Taıyp Erdoǵan óziniń jaqtastaryna Ystambuldyń Gezı saıabaǵyn sherýshilerden tazartý onyń «tikeleı paryzy» ekenin málimdegen bolatyn.
Ystambulda Úkimetke qarsy narazylyq aktsııalary maýsym aıynyń basynda bastalǵanyn esterińizge salamyz. Túrkııa Respýblıkasynyń tuńǵysh prezıdenti Mustafa Kemal Atatúriktiń bastamasymen boı kótergen Gezı saıabaǵyn salýǵa qarsy sherýdi polıtsııa kúshpen tarqatqannan keıin buqaralyq sherýler bastalǵan edi.
Kóp keshikpeı, narazylyq taza saıası sıpat aldy - jastar eldiń ıslamdanýyna qarsy narazylyǵyn bildire bastady. Jappaı tártipsizdik nátıjesinde bes adam qaza tapty, 5 myńnan astam adam zardap shekti.
