Ystambulda lańkestik oryn aldy; jarylǵan úıdiń astynda adamdardyń qalýy múmkin
ASTANA. 11 qyrkúıek. QazAqparat - Ystambuldyń polıtsııa ýchaskesi ǵımaratynyń aldynda bolǵan lańkestiktiń saldarynan kem degende bir tártip saqshysy qaza taýyp, 7 adam jaraqattandy, olardyń ishinde 4 qarýly kúshterdiń qyzmetkeri jáne 3 azamat bar.
Bul týraly Reuters-ke silteme jasaı otyryp RBK habarlady.
Ystambuldyń polıtsııa shefi Hýseın Kapkın jýrnalısterge málim etkendeı, lańkesti jasaǵan jankeshti bastapqyda granatany laqtyryp jiberip, keıin ózin polıtsııa bólimshesiniń aldynda jaryp jibergen.
Sonyń saldarynan ýchaskeniń aldynda kúzettegi polıtsııa qyzmetkeri jazym boldy, birneshe adam jaraqattandy.
H.Kapkınniń sózine qaraǵanda, jankeshti-lańkes nebári 25-te bolǵan. Ystambuldyń polıtsııa shefi jankeshtiniń jeke tulǵasyna qatysty qandaı da bir málimetterdi aıtýdan bas tartty.
Túriktiń telearnalary habarlaǵandaı, jarylystyń saldarynan polıtsııa ýchaskesiniń shatyry opyrylyp qulap tústi. Úıindilerdiń astynda adamdar bolýy múmkin.
Lańkestik faktisi boıynsha qylmystyq is qozǵaldy, tekserý amaldary júrgizilýde. Ázirge eshqandaı lańkestik top bul shabýyldy óz moınyna alǵan joq.
