Ystambulda QR Bas Konsýldyǵy Túrkııadaǵy qandastarymyzdyń balalaryna járdem kórsetti

YSTAMBUL. 23 aqpan. QazAqparat - Ystabulda Qazaqstan Respýblıkasynyń Bas Konsýldyǵy Qazaq-Túrik qoǵamy negizinde qurylǵan, balalarǵa arnalǵan «Balbóbek» mádenı jáne til úıretý ortalyǵy úshin qaıyrymdylyq aktsııasyn uıymdastyrdy.

Esterińizge sala ketsek, 2012 jyly 14 jeltoqsanda ashylǵan «Balbóbek» mádenı ortalyǵynyń basty maqsaty, Túrkııa elinde ómir súrip jatqan qandastarymyzdyń balalaryna ana tilin úıretip, dástúri men mádenıetin baýlý bolyp tabylady. Qazirgi tańda osy ortalyqta 25-ke jýyq bala tálim alyp otyr.

Osy oraıda QR Ystambul Bas Konsýldyǵynyń tarapynan, Ortalyqtaǵy búldirshinderge oqytý-ádistemelik kitaptarmen qatar, balalar alańdaryn tolyq jabdyqtaýǵa arnalǵan átkenshekter men oıynshyqtar syıǵa tartyldy.

Túrkııadaǵy qazaq dıasporasy ókilderi óz kezeginde, uıymdastyrylǵan atalmysh qaıyrymdylyq aktsııasy úshin alǵystaryn aıta otyryp, - «Bolashaq búginnen bastalady degendeı, osy jerdegi qandastarymyzdyń balalary ózge elde júrse de, óz ana tilin tunyq meńgerip jáne qazaq salt-dástúrin úırenip, keleshekte urpaqtan urpaqqa jetkizetinine kámil senemiz»,- degen sózderin keltirdi.