Ystambulda qardyń qalyńdyǵy 75 santımetrge jetti
ASTANA. QazAqparat - Ystambulda qardyń qalyńdyǵy 75 santımetrge jetip, 1987 naýryz aıynda tirkelgen rekordtyq kórsetkish - 63 santımetrden de asyp tústi, dep habarlady RIA Novostı beısenbi kúni Túrkııanyń meteoqyzmetine silteme jasap.
Keshe Ystambul áýejaıy qatty jaýǵan qardyń saldarynan 350-den astam ishki jáne halyqaralyq reısterdi toqtatty. 8 myńnan astam jolaýshy taıaý mańdaǵy qonaqúılerge attandyryldy, Turkish Airlines olarǵa 35 myńǵa tarta azyq-túlik oramdaryn berdi.
Qardyń mol jaýýy qalada birneshe shaqyrymdarǵa ulasqan keptelister týǵyzdy. BAQ málimetteri boıynsha, táýlik ishinde 841 jol-kólik oqıǵkasy oryn alǵan.
Jergilikti bılik dóńgelekteri taǵalanbaǵan avtomobılderdiń qozǵalysyna tyıym aldy. Ystambulda, sondaı-aq Kodjaelı, Chanakkale, Sakarıa, Nıgde, Nevshehır, Bıtlıs, Kaıserı, Antalıa, Konıa provıntsııalarynda qardyń kóp túsýinen mektepter jabyldy.
Beısenbi kúni qardyń túsýi saıabyrlady. Áýejaı jumysy qalypqa kele jatyr, dep habarlady Anadolu agenttigi.
