Ystambulda ıslamı jazýy bar súıek tabyldy
ASTANA. 9 aqpan. QazAqparat - Ystambuldyń Ienıkaly dep atalatyn tarıhı aýdanynan qazyp alynǵan kóne zattardyń arasynan ıslamı jazýy bar súıek tabyldy. Súıek neolıttik jáne vızantılik kezeńge jatatyn, bizdiń dáýirimizge deıingi VІІІ ǵasyrǵa tıesili jádiger bolyp shyqty. Qazba jumysyna ystambuldyq sáýlet murajaıy uıytqy boldy. Bul jaıynda Haberturk basylymy habar taratty. Sarapshylar bul súıekti Ystambuldan tabylǵan kóneniń kózi dep otyr.
Sonymen qatar, jalpaq taqtaısha da tabylǵan bolatyn. Ony kezinde adamdar jazý jazǵanda paıdalanǵan. Mátin qara sııamen jazylǵan. Súıektegi jazýdyń keı tusy óship qalǵandyqtan oqý múmkin emes.
muslim.kz saıtynyń jazýynsha, súıektiń arheologııalyq qabaty VII - VIII ǵasyrlarǵa baryp tireledi. Tarıhshylar men arheologtar qazba jumystaryn toqtatpaıtynyn, barlyq aımaq muqııat tekserýden ótetinin málimdedi.
