Ystambulda Internetti basqarý boıynsha halyqaralyq forým ótýde
ASTANA. QazAqparat - Ystambulda seısenbi kúni toǵyzynshy Internetti basqarý máseleleri jónindegi forým ashyldy. Oǵan álemniń ár túkpir-túkpirinen eki jarym myńnan astam úkimet, úkimettik emes uıymdar, jeke sektor, azamattyq qoǵam ókilderi men tehnıkalyq sarapshylar jınaldy, dep habarlady BUU Jańalyqtar ortalyǵy.
Bul beıresmı alań barlyq múddeli taraptarǵa qaýipsizdik jáne «tsıfrlyq tosqaýyl» problemalaryn qosa alǵanda, Internetti damytý máselelerin talqylaýǵa múmkindik berdi.
2014 jyldyń aıaǵynda Internet paıdalanýshylardyń sany shamamen úsh mlrd. adamǵa jetpek. Olardyń úshten ekisi damýshy elderdiń halqy. Alaıda ǵalamshardyń tórt mln. turǵynynyń áli de Internetke qoly jetpeı otyr, bulardyń da basym bóligi damýshy elderge tıesili. Máselen, Afrıkada jyldyń aıaǵynda halyqtyń 20 paıyzy ǵana vırtýaldyq keńistikti ıgere alady eken.
