Ystambulda grek-rım kúresinen halyqaralyq týrnır ótedi
ALMATY. 29 qańtar. QazAqparat /Erlik Erjanuly/ - Túrkııanyń Ystambul qalasynda 29-30 qańtarda grek-rım kúresinen «Vehbı Emre» halyqaralyq týrnıri ótedi.
Kúres federatsııalary qaýymdastyǵynyń ınternet saıtyndaǵy aqparatqa qaraǵanda, onda el quramasyna bapkerlerden Ábdirahman Arqarbekov pen Serik Qaldyǵulov jetekshilik jasaıdy. Bul dúbirli dodada Qazaqstan namysyn 14 balýan qorǵamaq. Qurama sapynda - Almat Aýeshev, Asyljan Baızaqov, Aısultan Baızaqov, Bekjan Myrzalıev (55 kg), Nurbek Berkimbaev, Nurdaýlet Elmuratov, Erbol Qalabaev (60 kg), Beıbit Nuǵymanov, Nurbek Qandybaev (66 kg ), Maqsat Erejepov, Nurjan Nadyrov (74 kg), - Shyńǵys Syzdyqov (84 kg), Nıka Tvalabeıshvılı (96 kg),
Esenkeldi Jalǵaspaev (120 kg) bar.
