Ystambulda álemdegi eń iri Paıǵambar murajaıy ashylmaq

Bul murajaı «altyn ǵasyr» (Paıǵambarymyz ben ádiletti tórt halıfanyń dáýiri) men búgingi zamannyń arasyn qosyp turatyn kópir bolýy tıis, dep esepteıdi murajaıdyń negizin qalaýshylar.

muslim.kz saıtynyń jazýynsha, murajaıǵa Paıǵambarymyzdyń kúndelikti qoldanǵan turmystyq zattary, paıdalanǵan quraldary, kıimderiniń kóshirmeleri jáne de Paıǵambar meshiti men Qaǵbanyń da maketteri qoıylmaq.

Osynaý mańyzdy jobany qolǵa alyp otyrǵan Paıǵambar qorynyń tóraǵasy Mehmet Kaıanyń aıtýynsha, murajaı Ystambuldyń Aıýb oramynan salynady, aýmaǵy 3,5 myń metr bolmaq.

Murajaı Paıǵambarymyzdyń áke, ata, Paıǵambar jáne musylmandar kóshbasshysy retindegi 63 jyldyq ǵumyrynan syr shertedi.

«Balalar murajaıdan Paıǵambarymyzdyń balalyq shaǵymen tanyssa, jastar - jastyq shaǵyn, al ákeler Paıǵambarymyzdyń ákelik mindetin tanıtyn bolady», - deıdi Mehmet Kaıa.