Ystambulda 20-dan astam týrıst gazǵa ýlandy, tórteýiniń jaǵdaıy aýyr
ASTANA. 1 qańtar. QazAqparat - Túrkııanyń Ystambul qalasyndaǵy Modern Sultan Hotel qonaq úıinde 20-dan astam týrıst belgisiz gazǵa ýlanyp qaldy, dep habarlady RBK.
Zardap shekkender arasynda 21 týrıst, qonaq úıdiń eki qyzmetshisi bar. Olar aýrýhanaǵa jetkizildi, tórteýiniń jaǵdaıy aýyr.
Zardap shekkender Ystambul ýnıversıteti janyndaǵy Okmeııadın, Taksım, Shıshlı Etfal gospıtaldaryna jatqyzyldy. Olardyń ulttary áli jarııalanbaýda.
Aldyn ala málimetter boıynsha, oqıǵanyń sebebi - gazdyń shyǵýy. Qazirgi ýaqytta qonaq úıde órt sóndirýshiler men gaz qyzmetiniń mamandary jumys isteýde.
