Ystambul turǵyndary sańyraý jigitke «bir sáttik baqyt» syılady - VIDEO

ASTANA. QazAqparat - Ystambul shaharynyń tutas bir aýdanynyń turǵyndary Túrkııadaǵy Samsung kompanııasynyń bólimshesiniń kómegimen Muharrem esimdi qulaǵy estimeıtin jas jigit úshin tosyn syı uıymdastyrdy, dep habarlaıdy islam.kz.

Naqtyraq aıtqanda, Muharrem qaryndasy Ózlenmen birge kóshege shyqqanda kórshileriniń biri onymen ymmen amandasady. Bul óz kezeginde jas jigitti qaıran qaldyrady. Aǵaly-qaryndas ekeýi sol mańdaǵy nan dúkenine kirgen sátte satýshy da jas jigitpen ym arqyly amandasady. Mundaı jaǵdaı kókónis dúkeninde de, taksı ustaǵanda da qaıtalanǵan. Buǵan tolqyp-tebirengen jas jigit kóz jasyna ıe bola almaǵan.

Onyń ár qımylyn operator bildirmeı vıdeokameraǵa túsirip, taspaǵa tartyp alǵan edi. Artynan belgili bolǵandaı, atalmysh fırmanyń kómegimen jergilikti turǵyndar bir aı boıy ymmen tildesýdiń qyr-syryn úırenip shyqqan. Bul jaıynda The Telegraph aqparat kózi habar taratty.

Tipti, osynaý áleýmettik bastamany, eń bastysy, adamgershilikke tunyp turǵan sharany jazyp júrgen aǵylshyn tildi tilshilerdiń ózi kóz jastaryna ıe bola almaǵan eken.