Ystambul shahary Osman ımperııasy dáýirindegi beınesine oralatyn bolady
ASTANA. 21 sáýir. QazAqparat - Jańa memlekettik jobaǵa sáıkes Ystambuldaǵy Osman dáýirine tán kóptegen jádigerler men tarıhı nysandar sol dáýirdiń sáýletine kelistirile qaıta jóndeýden ótkizetin boldy.
Bul jaıynda muslim.kz saıty habarlaıdy.
«Shahar basshylyǵy qalanyń tarıhı Hám mádenı beınesin qalpyna keltirý jónindegi jobany bekitti. Osy jobanyń aıasynda Súleımen, Fatıh, Sultanahmet, Ýálıd Sultan meshitteri men Uly Bazar jáne osy sekildi t.b. tarıhı nysandar jańǵyrtylyp, keıbireýi qaıta ashylmaq. Osman dáýirine tıesili ǵıbadat ǵımarattarynan bólek munaralar men kúmbezder, eskertkishter, sýburqaqtar sekildi ózge de tarıhı mańyzy bar jerler qalpyna keltiriledi» dep jazady Áziret Sultan meshitiniń resmı saıty.
Aldyn ala alynǵan málimetke qaraǵanda, atalmysh joba úshin 800 myń dollar mólsherinde qarajat jumsalady. Qarjynyń kóp bóligi memleket qazynasynan bólinedi. Sonymen qatar, Ystambul ákimdigi de materıaldyq jaǵynan qoldaý bildirmek. Túrkııa qorlary bas basqarmasynyń yqpalymen jekeshe fırmalar da jobaǵa atsalysady.
