Ystambul Olımpıada oıyndaryn ózinde qabyldaýǵa baryn salýda
ASTANA. 5 qyrkúıek. QazAqparat - Túrkııa bıligi Ystambul shaharyn 2020 jyly Búkilálemdik Olımpıada oıyndaryn ótkizetin orynǵa aınaldyrýdy kózdep otyr, dep habarlaıdy muslim.kz.
Túrikter osy maqsatta 19,2 mlrd. dollar bólýge daıyn ekenin jetkizdi. Túrkııa dúnıejúzilik dúbirli dodany óz elinde ótkizý úshin osymen besinshi márte ótinish berip otyr.
Ystambul shaharynan ózge Olımpıada oıyndaryn ótkizýge Ispanııa astanasy Madrıd jáne Japonııa elordasy Tokıo megapolısteri talasyp otyr. Olımpıada oıyndary ótkiziletin oryn Býenos-Aıres qalasynda qupııa daýys berý arqyly 2013 jyldyń qyrkúıek aıynyń 7-si kúni belgili bolady.
