Ystambul meshitine kirý úshin biryńǵaı kıim úlgisi engizilmek
ASTANA. 9 naýryz. QazAqparat - Kóne Ystambul shaharynyń eń kóz tartyp, kóńil toǵaıtatyn Sultan Ahmet meshitiniń ishin aralap kórgisi keletin týrıster úshin biryńǵaı kıim úlgisi tigilip jatyr. Bul jaıynda internethaber.com habar taratty. Kıimniń úlgisin jergilikti Mádenı jáne týrızm basqarmasy Ystambuldyń múftııatymen birigip pishkenin aıta ketý kerek. Matanyń bir túrinen ǵana tigiletin kıimniń túsi de biryńǵaı bolatynyn aıta ketý kerek. Áıelderge budan bólek sharıǵat talabyna saı bastaryna tartatyn oramal da beriletin bolady.
muslim.kz saıtynyń jazýynsha, kógildir meshitiniń bas ımamy Ysqaq Qyzylaspannyń sózine qaraǵanda, bul jańalyq, eń aldymen, týrısterge arnalǵan. Onyń aıtýynsha, týrısterdiń kóbisi ózderiniń qaıda bas suqqanyn túısinbeıtin sekildi, ashyq-shashyq júredi. Jańalyq tek munymen ǵana shektelip qalmaıdy. Aldaǵy ýaqytta atalmysh meshitte jaǵymsyz ıisti joıatyn aıryqsha neılon júıesi engiziledi. Sonymen birge, daýys kúsheıtkish júıesi de jańartylady.
