Ystambul bıligi Gezı saıabaǵynda saýda úıin turǵyzbaıtyn boldy
ASTANA. 10 maýsym. QazAqparat - Ystambuldyń ortalyǵyndaǵy Gezı saıabaǵynyń ornyna saýda úıi turǵyzylmaıtyn boldy. Qala bıligi osyndaı toqtamǵa keldi.
Bul týraly Today's Zaman túrik basylymyna silteme jasap, Rosbalt jazdy.
8 maýsym kúni Ystambul meri Kadır Topbash Gezıde qurylys jumystarynyń bastalýyna narazylyq bildirýshilerdiń ókilderimen kezdesti. Kelissózderden keıin ol jýrnalısterge Gezıdiń ornyna ne saýda ortalyǵy, ne qonaq úı nemese turǵyn úı salynbaıtynyn málim etti. Biraq onyń aıtýynsha, bılik saıabaqty qaıta qalpyna keltirý josparynan tolyq bas tartpaıdy.
Búginde Gezıdiń ornyna murajaı nemese kórme ortalyǵyn salý jobasy qarastyrylýda.
Túrkııanyń barlyq iri qalalaryn sharpyǵan tolqýlar bıliktiń Gezı saıabaǵyndaǵy aǵashtardy otaý jáne onda saýda úıin salý josparyna qarsy ekologtardyń narazylyǵynan bastalyp, 9 kúnge sozyldy.
Polıtsııa is-sharaǵa qatysýshylardy kúsh kórsete otyryp tarqatyp jiberdi, bul azamattardyń ashý-yzasyn týdyrdy. Ystambuldyń turǵyndary jappaı qala kóshelerine shyqty, olardy eldiń basqa qalalaryndaǵy buqara da qoldaı tústi. Azdaǵan ýaqytta narazylyq aktsııasy úkimetke qarsy sıpatqa ıe boldy.
