Ystambul áýejaıyndaǵy terrorıst VIDEOǵa túsip qaldy
ASTANA. QAZAQPARAT - Ǵalamtor jelisinde Ystambul áýejaıyna shabýyl jasaǵan terrorısterdiń biri kórsetilgen vıdeo paıda boldy. Kadrda onyń jarylǵysh quraldy qalaı iske qosqany kórsetilgen, deıdi RBK.
Sondaı-aq Twitter áleýmettik jelisinde Ystambuldaǵy halyqaralyq Atatúrik áýejaıynda bolǵan jarylystyń vıdosy jarııalanǵan.
Vıdeojazbada terrorıstiń jarylǵysh quraldy jerde jatyp iske qosqany, buǵan deıin ony áýejaıda qyzmet etetin er adamnyń toqtatpaq bolǵany baıqalady.
Bunyń aldynda ǵalamtorda jarylys sáti beınelengen vıdeonyń kompıýterden kórsetilýi jarııalanǵan edi. Kadrdan jarylystyń qalaı bastalǵanyn kórýge bolady, tars-turs dybys estilip, jarylys oshaǵyna jaqyn turǵan adamdardyń qalaı qashqandary kórsetilgen.
Atatúrik áýejaıynda oryn alǵan jarylystan túrli derekterge sáıkes 31-32 adam qaza tapqan. Sońǵy málimet boıynsha 147 adam zardap shekken. Jarylystar serııasy halyqaralyq termınalda oryn aldy. Áýejaı óz jumysyn ýaqytsha toqtatty. Bul shabýyldy ázirge eshqandaı uıym moınyna alǵan joq. Biraq Dogan túrik agenttiginiń derekkózi jarylysty «Islam memleketiniń» uıymdastyrǵanyn jetkizdi.
