Ystambul áýejaıynda Máskeý teatrynyń qyzmetkeri joǵalyp ketti
ASTANA. QazAqparat - Túrkııada Máskeý qalasynyń «Satırıkon» teatrynyń qyzmetkeri Mark Ishmýhametov joǵalyp ketti. Onyń jaqyndarymen baılanysqa shyqpaǵanyna 20 kún boldy. Ártisti Reseıdiń Ystambuldaǵy konsýldyǵy izdestirýde, alaıda izdeý jumystary ázirge nátıje bermeı otyr, dep habarlady «Vestı.rý».
Ishmýhametovtiń jaqyndary «Máskeý 24» telearnasyna onyń Túrkııaǵa 3 naýryz kúni teatr trýppasymen birge ushyp shyqqanyn habarlaǵan. Ystambulda ártister gastrolderi josparlanyp qoıǵan Brazılııaǵa ushatyn reıske otyrýy tıis bolǵan.
Aldyn ala málimetter boıynsha, Ishmýhametov Ystambulda shetelge shyǵý tólqujatyn joǵaltyp, áýejaıdyń tranzıttik aımaǵynda qaldy. 9 naýryzda trýppa keıin qaıtatyn jolda onymen baılanysa almady. Ártis áýejaıdan da tabylmady. Bir apta ótken soń ǵana áleýmettik jeliler arqyly izdestirile bastaǵan.
«Satırıkon» teatrynda ártistiń qaıda joǵalýy múmkin ekenin bilmeı otyr. Onyń áriptesteri onymen telefon arqyly únemi baılanysqandaryn, keıin ol tutqany kótermeı qoıǵanyn aıtady. 4 naýryz keshinde tutqany basqa bireý alyp, nashar aǵylshyn tilinde mobıldik telefondy tapqanyn aıtty.
