Ystambul áýejaıyna shabýyl jasalyp, 30-dan astam adam qaza tapty
ASTANA. QazAqparat - Ystambulda Atatúrik atyndaǵy halyqaralyq áýejaıǵa jasalǵan shabýyl saldarynan, sońǵy málimetterge qaraǵanda, 32 adam qaza taýyp, 60 adam jaraqattandy, dep habarlady Bı-Bı-Sı.
Túrkııa Prezıdenti Redjep Taııp Erdoǵan muny terakt dep atap, qasıetti Ramazan aıynda beıkúná adamdardy óltirgen qaskóılerdiń is-áreketin synǵa aldy. Erdoǵan halyqaralyq qoǵamdastyqty terrorızmmen kúresýdi kúsheıtýge shaqyrdy.
Seısenbi kúni keshke Ystambulda Atatúrik atyndaǵy halyqaralyq áýejaıda jarylystar men atystar boldy.
Túrkııanyń ádilet mınstri Bekır Bozdagtyń sózine qaraǵanda, muny úsh jankeshti jasaǵan.
Shabýylshylardyń biri Kalashnıkov avtomatymen kúzetshilerge oq jaýdyrdy, dedi Bozdag.
Ózge málimetterge qaraǵanda, shabýylshylar avtomattarmen oq jaýdyryp, keıin óz ózin jarǵan.
Kýágerlerdiń sózine qaraǵanda, qaskóılerdiń biri áýejaıdyń kireberisinde ornalasqan metall izdeıtin jabdyqtyń qasynda shoǵyrlanǵan adamdardyń arasynda turyp jarylǵysh zatyn iske qosqan.
Jarylystan keıin Ystambul halyqaralyq áýejaıynan ushyrylady dep josparlanǵan barlyq reıster keıinge shegerildi. Jolaýshylardy qonaq úılerge jaıǵastyryp jatyr.
Ázirge bul qylmysty eshkim moınyna almady.
Ótken jyly Atatúrik áýejaıy kelýshilerdiń sany boıynsha Eýropada úsh úzdikke engen.
2015 jyly onyń qyzmetin 61 mln-nan astam adam paıdalandy.
