Ys tıgen adamdy qutqarýǵa bolady. Eger siz...
ASTANA. 10 jeltoqsan. QazAqparat - Qys mezgilinde jeke úılerde peshten aqaý shyǵyp, adamdardyń ystan ýlanýy jıi bolyp jatady.
Oqıǵa ornyna dárigerlerden buryn jetken ýaqytta ys tıgen adamǵa qalaı alǵashqy medıtsınalyq járdem kórsetken durys?
Tótenshe jaǵdaılar qyzmeti mamandarynyń aıtýynsha, peshten bólingen gazdan ýlanǵan jaǵdaıda adamdy gazǵa qarsy tutqysh kıgizip, taza aýaǵa alyp shyǵý kerek. Múmkin bolsa ottegi bergen jón. Zardap shegýshi dem ala almaı, esinen tanǵan bolsa, oǵan jasandy dem salý qajet. Ýlanǵan adamnyń denesin ýqalaý onyń boıyna qan júgirtip, es jııýǵa kómektesedi. Qajet bolǵan jaǵdaıda naýqastyń aıaǵyna jylytqy basqan abzal. Músátir spırtin ıisketip, murny men ústińgi erniniń aralyǵyna massaj jasaý kerek. Ys tıgen adam esin jınaǵan soń jyly shaı ishkeni durys. Alǵashqy járdem kórsetken adam naýqastyń uıyqtap ketýine jol bermeýi tıis, dep jazady «Alash aınasy».
