YPG/SDG terrorısteriniń Aleppodaǵy sońǵy shtaby Sırııa bıliginiń qolyna ótti

ASTANA. KAZINFORM — Túrkııalyq Anadolý aqparat agenttiginiń túsirilim toby Sırııanyń Aleppo qalasyndaǵy Sheıh Maksýd aýdanynda ornalasqan, YPG/SDG terrorıstik uıymynyń sodyrlary shtab-páterge aınaldyrǵan aýrýhanaǵa baryp, beınetaspaǵa túsirip qaıtty.

Sheıh Maksýd — Sırııa úkimetiniń áskerleri YPG/SDG terrorıstik uıymynan tazartqan Aleppodaǵy sońǵy aýdan.

«ıAsın» dep atalǵan medıtsınalyq mekemeni terrorıster «Halıd Fadjr» dep atyn ózgertip alǵan.

Ǵımarattyń ishinen granatomet, raketalyq qondyrǵy, myltyqtar, qol granatalary, bronejıletter jáne kóp mólsherde oq-dári tabylǵan.

Sheıh Maksýd aýdanynan sheginý kezinde top músheleri aýrýhananyń barlyq bólimshelerin, sondaı-aq onyń astynan qazylǵan tonnelderdi de mınamen jarylýǵa daıyndap ketken.

Aleppodaǵy «SDK»-ge qarsy operatsııa

6 qańtardan bastap YPG sodyrlary («Sırııalyq demokratııalyq kúshter») Aleppo qalasynyń túrli aýdandaryna soqqy jasaı bastady.

Damaskidegi úkimet «SDK»-den 10 naýryzdaǵy kelisimdi saqtap, qalaǵa jasalǵan shabýyldardy dereý toqtatýdy talap etti. Alaıda shabýyldar toqtamaǵan soń, Sırııa armııasy Aleppodaǵy basyp alynǵan aýdandar — Sheıh Maksýd, Ashrafııa jáne Benı-Zeıdadaǵy «SDK» pozıtsııalaryna qarsy nysanaly operatsııalar bastady.

Sırııa armııasy Aleppodaǵy Sheıh Maksýd aýdanyndaǵy barlyq áskerı operatsııalar 10 qańtar kúni jergilikti ýaqyt boıynsha saǵat 15:00-de tolyq toqtatylǵanyn habarlady. Sondaı-aq Aleppodaǵy ıAsın aýrýhanasynda bekingen «SDK» elementteri qarýsyzdandyrylyp, Tabka qalasyna kóshiriletin boldy.

Eske sala ketsek, keshe AQSh Sırııada Islam memleketi sodyrlarynyń nysandaryna aýqymdy soqqy jasady.