Iozef Blatter FIFA prezıdenti qyzmetinen ketetindigin málimdedi
ASTANA. QazAqparat - Iozef Blatter óziniń Halyqaralyq fýtbol federatsııasy (FIFA) prezıdenti qyzmetinen ketetinin málimdedi.
Blatter atqarý komıtetine óziniń ornyna basqa adam saılaý úshin uıymnyń kezekten tys kongresin shaqyrýdy usyndy. Oǵan deıin ózi prezıdenttiń mindetin atqarýshy bolyp qala beredi, dep jazady VVS.
Ótken aptada Blatter FIFA prezıdentigine qaıta saılanǵan bolatyn. Onyń jalǵyz básekelesi Álı bın Ál-Hýseın saılaýdyń ekinshi týrynda kúresti jalǵastyrýdan bas tartqan edi.
FIFA basshysyn saılaý iri sybaılas jemqorlyq janjalynyń sebebinen bolǵan. Shveıtsarııalyq tártip saqshylary FIFA-nyń 7 joǵary laýzymdy sheneýnikterin sybaılas jemqorlyqpen aınalysty dep aıyptap, tutqyndaǵan bolatyn.
