Iozef Blatter FIFA prezıdenti bolyp qala berýi múmkin
ASTANA. QazAqparat - 2 maýsymda otstavkaǵa ketetinin málimdegen Halyqaralyq fýtbol federatsııasynyń prezıdenti Iozef Blatter óz ornynda qalýy múmkin, dep habarlady TASS.
Óz derekkózderine silteme jasap, Shvajts am Zontag gazeti atap ótkendeı, uıymdaǵy janjalǵa qaramastan, 79 jastaǵy shveıtsarııalyqtyń ornynan ketpeýin afrıkalyq, azııalyq fýtbol qaýymdastyqtarynyń basshylary qalap otyr.
Eske salsaq, FIFA tarıhynda Tsıýrıhte 27 mamyrda iri janjal oryn aldy. Uıymnyń joǵaryda turǵan 7 sheneýnigi sybaılas jemqorlyqqa qarsy kúdikti retinde ustaldy. Olar AQSh-qa ekstradatsııalanýy múmkin. Osymen bir ýaqytta sheıtsarııalyq tarap ÁCh-2010, ÁCh-2018 jáne ÁCh-2020 uıymdastyrýshy elderdi tańdaý kezinde aqsha qymqyrýmen baılanysty belgisiz tulǵalarǵa qatysty qylmystyq is qozǵaǵany belgili boldy.
Sýdıanyń sheshimi boıynsha Ońtústik amerıkalyq konfederatsııanyń burynǵy prezıdenti 86 jastaǵy Nıkolas Leos (1986-2013 jyldary basqarǵan) ta úı qamaqqa alynǵan, onyń da sybaılas jemqorlyq janjalyna qatysy bolyp shyqty. Oǵan ınterpolda izdestirý jarııalandy, ekstradatsııalaý týraly saýal boıynsha AQSh-qa berilýi múmkin.
Janjal aıasynda 29 mamyrda kezekti merzimge saılanǵan FIFA basshysy Iosıf Blatter otstavkaǵa ketetinin málimdegen. Uıymnyń atqarýshy komıtetiniń kezekti otyrysy 20 shildede Tsıýrıhte ótedi. Sol kezde FIFA prezıdenttigine qaıtadan saılaý ótkizý kúni aıqyndalady.
