Iozef Blatter: Amerıkalyqtar FIFA basshylyǵyn tartyp almaqshy

FIFA prezıdenttigine Obamany saılaý týraly

- Shveıtsarııada karnaval endi aıaqtaldy, sondyqtan Obama FIFA-ny basqarady dep aıtý ázirge erterek.

Amerıkalyqtar FIFA bıligin almaqshy

- Amerıkalyqtar FIFA-ny basqarý bıligin ózderine almaqshy. Uıymdy mafııamen salystyrǵan baspasóz konferentsııasy da sol úshin ótkizildi. Olar FIFA-ny buzýdy kózdedi.

Ulttyq federatsııalar suraǵandaı, jańa saılaýda kimge daýys berý qajet

- Menimen tórt nemese bes úmitker sóılesti, olardyń kim ekenin aıta almaımyn. Bul múmkin emes. Keı federatsııalar maǵan qońyraý shalyp, aldaǵy saılaýda olar kimge daýys berýleri qajettigin surady. Men óz qalaýlaryń boıynsha tańdaý jasańdar dedim.

Platınıdiń kinásizdigi týraly

- Men sııaqty Platınıdiń de esh kinási joq. Onda eshteńe bolǵan joq, bul etıka komıtetiniń isi emes. Bizde shart boldy, biz sonyń sharttaryn oryndaýymyz qajet. Meniń fılosofııam osyndaı.

Bizde osy qarajatty tóleý týraly aýyzsha ýaǵdalastyq boldy. Mundaı qatynas Shveıtsarııa zańnamasy men FIFA kodeksine tolyqtaı sáıkes keledi. Kelisimshart aýyzsha jasalýy múmkin.

Ol baı ma degen suraqqa

- Men jalaqym osyndaı bolsyn dep esh ýaqytta aıtqan emespin. FIFA qansha belgilese, sony qanaǵat tuttym. Óz eńbegimmen tappaǵan aqshaǵa qolymdy suqqan emespin. Baı emespin, alaıda jetkilikti deńgeıde ómir súrip jatyrmyn. Kantonda óz úıim jáne qala syrtynda bir úıim bar, bary osy.

Saıası aralasý jaıynda

- ÁCh-2018 jáne ÁCh-2020 ótkizgen kezde biz ekonomıkalyq áriptesterge járdemdeskimiz keldi. Alaıda bul rette 2018 jyly álem chempıonaty Eýropada ótedi degen jarııa etilmegen ýaǵdalastyq boldy, Reseı de jaqsy úmitker qatarynda edi. Al 2022 jyly ÁCh Soltústik Amerıkada ótýi tıis bolatyn, onda AQSh jalǵyz úmitker.

Alaıda frantsýz saıasatkerleriniń aralasýy jaǵdaıdy ózgertip jiberdi. Eger 2022 jyly ÁCh ótkizý úshin AQSh-ty tańdasaq, onda bizde eshqandaı problema bolmas edi.