YouTube juldyzy óz-ózine qol saldy
ASTANA. QazAqparat - AQSh-ta YouTube -tegi ázil-syqaq vıdeosynyń juldyzy, nebári 33 jastaǵy Stıvı Raıan ajal qushty.
Ol Los-Andjelestegi óziniń úıinde 1 shildede kóz jumǵan. Aımaqtyń quqyq qorǵaý organdarynyń ókilderi onyń óz-ózine qol salǵandyǵyn málim etti.
Qyzdyń mundaı qadamǵa barýyna uzaqqa sozylǵan depressııa áser etýi múmkin. Twitter-degi onyń jazbalaryna qaraǵanda, jaqynda Raıannyń súıikti atasy qaıtys bolǵan.
Ázil-syqaq aktrısasy YouTube-tegi VH1 arnasy komandasynyń betke ustary edi. Onda óziniń jeke shoýyn júrgizip, Djastın Bıber, Kım Kardashıan jáne basqa da ataqty juldyzdardyń rólinde oınady.
