YouTube jarnama rolıgi Gınness rekordtar kitabyna endi
ASTANA. Qarashanyń 25-i. QazAqparat - Gınness rekordtar kitabynda eń tanymal onlaındyq jarnama týraly jazba paıda boldy,
dep habarlaıdy QazAqparat Lenta.Rý saıtyna silteme jasap.
YouTube-de ornalastyrǵan Evian Roller Babies beıne-rolıgi 2009 jyldyń shildesinen beri 11,3 mıllıon ret kórsetilgen.
Rolıkte Evian sýyn iship, án áýeniniń yrǵaǵymen bılep jáne rolıkter teýip júrgen sábıler kórsetiledi. Klıptiń basynda «Evian sýsynynan keıin ne sezindińizder?» degen suraq qoıylady. Ortasynda adam óziniń denesin jáne janyn sergek sezinýge múmkindik beretin sýdaǵy mıneraldardyń káýsarlyǵy jáne úılesimdiligi týraly aıtylady. Sońynda «Live young» degen jazý kórsetiledi.
BETC EUR RSCG agenttigi ázirlegen jarnamalyq naýqan tek YouTube-de ǵana ótti. Evian sýy jarnamalanatyn rolık álemniń alty elinde asa iri beıne-hostıngterdiń basty betterinde kórsetildi.
