YouTube jáne Facebook ekstremıstik beınejazbany avtomatty túrde buǵattaı bastady
ASTANA. QazAqparat - Álemdik iri YouTube beınehostıng men Facebook áleýmettik jelisi estremıstik beınejazbalardy buǵattaýdyń avtomatty júıesin qoldanýdy bastady, dep habarlady RIA Novostı Reıter agenttigine silteme jasap.
Agenttiktiń atap ótýinshe, avtomatty júıe «Islam memleketi» tobynyń lańkesteri júkteıtin nasıhattyq beınejazbalardy nemese basqa da osyndaı materıaldardy tez buǵattaıdy.
Bul tehnologııa áýelde avtorlyq quqyqpen qorǵalǵan kontentti izdeý nemese joıý úshin jasalǵan bolatyn. Júıe faıl heshin izdeıdi, ol ınternet-kompanııanyń tıisti heshin ishindegi faıldarymen qosa avtomatty túrde joıa alady.
Agenttik málimetterine qaraǵanda, ony jasaýshylar buǵattaýdyń avtomatty júıesin ótken aptada iri ınternet-kompanııalarǵa tanystyrǵan.
