YouTube-tiń shtab-páterinde atys boldy
ASTANA. QazAqparat - Polıtsııanyń deregi boıynsha, YouTube-tiń shtab-páterinde áıel adam qarýdan oq jaýdyryp, úsh adamdy jaraqattaǵan. Keıin óz-ózine qol salǵan, dep habarlaıdy BBC.
Zardap shekken úsh adam San-Frantsıskodaǵy Tsýkerberg gospıtaline jetkizilgen.
Aýyr halde jatqan 36 jastaǵy er adam kúdiktiniń súıiktisi bolǵan, dep habarlaıdy CBS. Sondaı-aq, 32 jáne 27 jastaǵy eki áıel jaraqattanǵan. Dárigerler olardyń jaǵdaıyn aýyr jáne ortasha aýyr dep baǵalap otyr.
San-Brýno polıtsııa bastyǵy Ed Barberını ofıtserlerdiń oqıǵa ornyna jergilikti ýaqytpen saǵat 12:48-de jetkenin málim etti. Polıtseılerdiń aıtýynsha, oqıǵa ornynda alasapyran bolyp, kóp adam qashyp qutylǵan.
Barberınıdiń aıtýynsha, oq tıgen bir adam kompanııa keńsesiniń aldynda tabylǵan. Ofıtserler birneshe mınýt ótkennen keıin ózin-ózi atqan áıel adamnyń denesin tapqan. Taǵy eki zardap shegýshi jaqyn mańdaǵy meıramhanadan tabyldy. Olarǵa qyzmetkerler alǵashqy kómek kórsetýge tyrysqan. Sondaı-aq oqıǵa ornynan qashyp bara jatyp jaraqat alǵan bir adam aýrýhanaǵa jetkizilgen.
Kúdikti tabylǵanda qolynda tapansha bolǵan. Onyń kim ekeni habarlanǵan joq.
YouTube shtab-páterinde 1700 adam jumys isteıdi. Kompanııa Google-ǵa tıesili jáne sol aýdandaǵy iri kompanııa sanalady.
