YouTube-tiń balalarǵa arnalǵan nusqasy shyǵady
ASTANA. QazAqparat - YouTube jelisin basqaratyn Google kompanııasy 10 jasqa deıingi aýdıtorııany qamtıtyn arnaıy vıdeohostıngtiń nusqasyn ázirlep jatyr. Qazir atalmysh kompanııa kontenttiń paıdalanýshylaryn kórýge «qaýipsiz» beıne rolıkter jasaýǵa shaqyrdy.
Balalarǵa arnalǵan YouTube qalaı ornalasatyny belgisiz. Ázirge jeke qosymsha nemese jabyq arna retinde qoljetimdi bolady degen boljam bar. Eń bastysy, ata-analar balalarynyń ne kórip otyrǵanyn baqylaı alady. Ádepsiz beınerolıkter men pikirlerarnaıy súzgiden ótkiziletin bolady. Al atalmysh saıtta jarnama kórsetiledi me degen suraq jaýapsyz qalyp otyr.
Aıta keterligi, YouTube-ta ata-analar baqylaýy arnaıy qyzmeti jumys isteıdi. Budan bólek, «Sezam kóshesi», Disney nemese YouTube EDU syndy oqýshylarǵa arnalǵan balalar arnasy jumys isteıtin bolady dep kútilýde. Bul týraly tolyq aqparat The Information saıtynda jarııalandy.
