YouTube qyzmeti aqyly bolýy múmkin
ASTANA. QazAqparat - Álemdegi eń tanymal YouTube vıdeohostıngine osy jyldyń sońyna qaraı qoldanýshylar tek aqshamen tirkelýi múmkin. Bul týraly Google braýzeriniń qoldaý qyzmeti habarlady.
Qarjy júıesine engizilgen ózgeristerge baılanysty YouTube qoldanýshylary aıyna belgili bir kólemde tólem jasaǵannan keıin ǵana vıdeokontentke qol jetkize alady. Saıt tirkelýshileri aqyly qyzmetke ótý arqyly jarnamalardy alyp tastaý múmkindigine ıe bolmaq. Sonymen qatar, kórilgen vıdeolar qoldanýshynyń óz erkimen saqtalyp, ǵalamtorǵa kirý múmkindigi joq ýaqytta da iske qosylady.
Aıta ketsek, aqyly bólimge tirkelgen qoldanýshylar tirkelmegender kóre almaıtyn vıdeokontentti paıdalana alady. Jańa júıege aýysý quny týraly ázirge naqty aqparat berilgen joq.
Eskere ketsek, 2006 jyly YouTube vıdeohostıngin satyp alǵan Google Inc basshylyǵy jaqynda tolyǵymen aýysty. Kóp ótpeı jańa basshylyq aýdıo tyńdaýǵa arnalǵan aqyly qyzmet túrin usyný týraly resmı túrde aqparat bergen bolatyn. Degenmen, atalǵan qyzmet ázirge iske qosylmady, dep jazady massaget.kz.
