YouTube-ke rolık túsirip jatqan áıel abaısyzda kúıeýin óltirip aldy
ASTANA. QazAqparat - AQSh-ta 19 jastaǵy Mınnesot turǵyny Monalıza Peres YouTube arnasyna vıdeo túsirý barysynda abaısyzda óziniń 22 jastaǵy kúıeýi Pedro Rýızdi óltirip aldy, dep habarlaıdy www.bbc.com.
Polıtsııa qyzmetkerleriniń málimetine qaraǵanda, jup Desert Eagle kalıbrli tapanshasynan entsıklopedııanyń qalyń muqabasyna oq atyp eksperıment jasap kórgen jáne ony vıdeoǵa túsirmek bolǵan. Olardyń aldyn ala boljamy boıynsha, tapanshadan atylǵan oq muqabany tesip ótpeýi tıis edi. Rolıkti túsirý úshin jastar bólmege eki kamera ornatqan.
Alaıda bári kersinshe bolyp, Peres atqan oq Rýızdiń keýdesine tıedi. Rýızge medıtsınalyq kómek kórsetilgenmen, onyń ómirin saqtap qalý múmkin bolmady.
19 jastaǵy Monalıza Peres qazir júktiliktiń jetinshi aıynda. Ol polıtsııaǵa YouTube-ke arnalǵan mundaı rolık túsirý aldymen Rýızdiń oıyna kelgendigin málimdedi.
Aıta keteıik, vıdeony túsirýge erli-zaıyptynyń úsh jastaǵy balasy men «trıýkti» tamashalaýǵa jınalǵan 30-ǵa jýyq kórshileri qatysqan.
