YouTube beınehostınginde shyǵyp turatyn usynys habarlamalardan bas tarta alasyz

ASTANA. QazAqparat – YouTube paıdalanýshylarǵa tirkeýlik jazba optsııalarynda qaralym tarıhyn saqtaýdy óshirý arqyly servıstegi usynystardan bas tartý múmkindigin beretinin jarııalady, dep habarlaıdy QazAqparat «AZERTADJ» aqparat agenttigine silteme jasap.

«YouTube-te qaralym tarıhyn qosý artyqshylyqtarynyń biri – sizdi qyzyqtyrýy múmkin beıne usynystardy alýǵa múmkindik. Degenmen, keıbir paıdalanýshylar qaraý tarıhyn tazalap otyratynyn jáne óshirýdi tańdaıtynyn bilemiz. Sizdiń qaralym tarıhyńyzdyń parametrlerine baılanysty YouTube usynystaryn kórý tásilin ózgertemiz», - delingen beınehostıng habarlamasynda.

Ózgeris kelesi birneshe aı ishinde engiziledi.