«YouTube» áleýmettik jelisinde tarıhı vıdeolar muraǵaty ashyldy
ASTANA. QazAqparat - «Assoshıeıted Press» aqparattyq agenttigi men «British Movietone» derekti qorlar muraǵaty mıllıon mınýttan asatyn vıdeo materıaldardy sandyq formatqa ótkizip, «YouTube» vıdeo hastıngine júktedi, dep habarlady «VVS» agettigi.
550 myńnan astam beıne sıýjetterdiń ishinde 1936 jylǵy Charlı Chaplın men onyń jubaıynyń bal aıynyń jazbasy, «Gındenbýrg» dırıjabli apatynyń túpnusqa túsirilimderi, odaqtastardyń Normandııaǵa ásker túsirýi jaıly vıdeolar bar. Tarıhı úzindilerden basqa, jınaqta «Kinks» tobynyń shashtarazǵa kelgeni nemese 1935 jyldaǵy Chıkagodaǵy pilder jarysy sııaqty jeńil qyzyqty vıdeolar bar. Eń kóne vıdeo 1895 jyly túsirilgen. «Vıedony «YouTube» jelisine júktep jurtshylyqqa tarıhtaǵy mańyzdy sátterdi tamashalaýǵa jol ashtyq. Bul kórermender úshin tarıhta izi qalǵan adamdar men oqıǵalardy kórsetetin erekshe «saıahat»», - dedi Assoshıeıted Press halyqaralyq muraǵatynyń dırektory Elvın Lındsı. «Assoshıeıted Press» - 1846 jyly qurylǵan álemdegi iri aqparattyq agenttikterdiń biri. «British Movietone» - jańalyqtar agenttigi retinde 1919 jyly qurylǵan brıtandyq derekti beıneler muraǵaty.
