YouTube áleýmettik jelisi balalar úshin qaýipsiz bolmaq
ASTANA. QazAqparat - 23 aqpan kúni Google kompanııasy balalarǵa arnalǵan YouTube áleýmettik jelisiniń jańa mobıldik qosymshasyn iske qospaq. Bul týraly RBK habarlady.
«YouTube Kids» tegin baǵdarlamasy ata-analaryna balalar júkteıtin beınekontentti baqylaýǵa jol ashady. Ol YouTube negizgi servısinen tys jumys isteıtin bolady.
Bastapqyda baǵdarlama AQSh-ta ǵana qoljetimdi bolady. Ata-anasynyń baqylaý paneli balalar vıdeony kórýge ketiretin ýaqytyn shekteýge, izdeý fýnktsııasyn sóndirýge múmkindik beredi. Qosymshanyń tórt sanatqa biriktirilgen arnalary men tizimderi bar. Paıdalanýshylar óz taqyryptary boıynsha materıaldar izdeı alady.
