Iosıhıto Noda Japonııa premeri boldy
ASTANA. 30 tamyz. QazAqparat - Japonııanyń bıleýshi Demokratııalyq partııasynyń tóraǵasy bolyp jáne soǵan sáıkes el-premer-mınıstri qyzmetine Iosıhıto Noda saılandy,
dep habarlady RBK Reuters agenttigine silteme jasap.
Buryn qarjy mınıstri mindetin atqarǵan ol daýys berýdiń ekinshi týrynda Japonııanyń ekonomıka, saýda jáne ónerkásip mınıstri Banrı Kaıedýdan basym tústi.
Úkimettiń jańa basshysy Japonııanyń «ómirlik kúshterin» qalpyna keltirýge ýáde berdi. Sońǵy bes jyldaǵy altynshy premer úkimet basshylyǵyna tórt jylǵa saılandy.
Esterińizge sala keteıik, 26 tamyzda Japonııa premer-mınıstri Naoto Kan bıleýshi partııa tóraǵalyǵynan ketý jóninde ótinish bergen bolatyn. N.Kannyń mundaı sheshimge kelýine el halqy arasynda onyń bedeli tómendeýi sebep boldy.
