Iohannes Klebo Olımpıadada toǵyzynshy márte chempıon atanyp, rekord jańartty

ASTANA. KAZINFORM - Norvegııalyq shańǵy sportynyń sheberi Iohannes Klebo qysqy Olımpıada oıyndary tarıhyndaǵy toǵyz márte chempıon atandy.

Shańǵy sportynyń sheberi 2026 jylǵy qysqy Olımpıadada skıatlon, sprınt jáne jekeleı starttaǵy jarysta top jardy.

1996 jyldyń 22 qazanynda dúnıege kelgen ol mundaı múmkindikterge 2018, 2022, 2026 jylǵy qysqy Olımpıadada qol jetkizdi.

Norvegııalyq Olımpıada oıyndarynyń toǵyz dúrkin chempıony atandy. Ol 2022 jyly estafetalyq jarysta kúmis, sol jyly 15 shaqyrymǵa klassıkalyq ádispen jarysýda qola júldeger atandy.

Sondaı-aq álem chempıonatynda 2017 jyldan beri 15 márte jeńis tuǵyrynan kórinse, eki márte ekinshi, bir márte úshinshi máre syzyǵyn qıdy.

Aıta ketsek, osyndaı joǵary nátıjesiniń arqasynda ol altyn medal sany jóninen otandastary Ýle Eınar Borndalen, Marıt Borgen jáne bıatlonshy Ole Eınar Borndalendi artta qaldyryp ketti.

Qazaqstan bıyl qysqy Olımpıada oıyndarynda 36 sportshyǵa úmit artyp, jalpy tizimde 24-orynǵa taban tiredi. Dúbirli dodada elimizdiń ulttyq quramasy sporttyń 10 túrinen 58 medal jıyntyǵy boıynsha baq synap jatyr. Olardyń qatarynda bıatlon, konkımen júgirý, mánerlep syrǵanaý, short-trek, taý shańǵy sporty, shańǵy qossaıysy, shańǵy jarystary, shańǵymen tramplınnen sekirý, frıstaıl-mogýl jáne frıstaıl-akrobatıka bar.

Aıta ketsek, el quramasynan mánerlep syrǵanaý sheberi Mıhaıl Shaıdorov ulttyq quramaǵa araǵa 32 jyl salyp óz tarıhynda qysqy sport túrlerinen ekinshi altyn medal syılady.