Iohannes Klebo qysqy Olımpıadada 46 jyl saqtalǵan rekordty jańartty

ASTANA. KAZINFORM – Norvegııalyq shańǵy sportynyń sheberi Iohannes Klebo 2026 jylǵy qysqy Olımpıada oıyndarynda alty márte chempıon ataǵyn jeńip aldy. 

Tájirıbeli sportshy bıyl dúbirli dodada klassıkada jeke sprınt, estafeta, komandalyq sprınt, jeke sprınt, 15 shaqyrymǵa klassıkalyq ádis, klassıkalyq komandalyq sprıntte aldyna jan salǵan joq. Osylaısha Iohannes Klebo 11 dúrkin Olımpıada chempıony atandy.

1996 jyldyń 22 qazanynda dúnıege kelgen ol mundaı múmkindikterge 2018, 2022, 2026 jylǵy qysqy Olımpıadada qol jetkizdi.

Klebo 2026 jylǵy qysqy Olımpıadada ózi qatysqan barlyq jarysta jeńis tuǵyrynan kórindi.
Sondaı-aq álem chempıonatynda 2017 jyldan beri 15 márte jeńis tuǵyrynan kórinse, eki márte ekinshi, bir márte úshinshi máre syzyǵyn qıdy.

Norvegııalyq shańǵyshy bir Olımpıadada altyn medal alý jóninen AQSh-tyń konkı sportynyń sheberi Erık Haıdendi artqa qaldyryp ketti. Ol 1980 jyly Leık-Plesıdte ótken aıtýly alamanda bes márte chempıondyq ataqty jeńip aldy.

Iohannes Klebo osylaısha 46 jyl boıy saqtalǵan rekordty jańartty.

Aıta ketsek, osyndaı joǵary nátıjesiniń arqasynda ol altyn medal sany jóninen otandastary Ýle Eınar Borndalen, Marıt Borgen jáne bıatlonshy Ole Eınar Borndalendi artta qaldyryp ketti.

2026 jylǵy qysqy Olımpıadaǵa álemniń 90-nan astam elinen shamamen 2 900-3 500 sportshy qatysty. Baıraqty básekede 16 sport túri boıynsha 116 medal jıyntyǵy sarapqa salyndy.

Qysqy Olımpıadada elimizdiń atynan mánerlep syrǵanaý sheberi Mıhaıl Shaıdorov chempıon ataǵyn jeńip aldy. Nátıjesinda qazir qazaqstandyq sportshylar jalpy komandalyq esepte 1 altyn medalmen 19-orynǵa turaqtap tur.

Elimiz bıyl qysqy Olımpıada oıyndarynda 10 túrinen 58 medal jıyntyǵy boıynsha baq synady. Olardyń qatarynda bıatlon, konkımen júgirý, mánerlep syrǵanaý, short-trek, taý shańǵy sporty, shańǵy qossaıysy, shańǵy jarystary, shańǵymen tramplınnen sekirý, frıstaıl-mogýl jáne frıstaıl-akrobatıka bar.

Buǵan deıin Qazaqstan XXV qysqy Olımpıadada sportshylar sany jóninen 24-orynǵa turaqtaǵanyn jazǵan edik.