Iohannes daýylynan Shvetsııa, Norvegııa jáne Fınlıandııa halqy zardap shekti
ASTANA. KAZINFORM – Iohannes teńiz daýylynan Shvetsııa, Norvegııa jáne Fınlıandııada elektr jelileri úzilip, ondaǵan myń úı jaryqsyz qaldy, dep habarlaıdy Kazinform DW-ge silteme jasap.
Shved aqparat agenttigi TT-nyń málimetine súıensek, Shvetsııada 40 myń úı jaryqsyz qalǵan. Stokgolmnen 200 shaqyrym qashyqtyqta ornalasqan Sandvıken qalasynda ústine aǵash butaǵy qulaǵan er adam kóz jumǵan.
Ashyq aspan astyndaǵy jumys barysynda Hemab energetıkalyq kompanııasynyń qyzmetkeriniń de ústine aǵash qulap ketken.
Sondaı-aq Fınlıandııada daýyldy jel Jenevadan ushyp kelgen Swiss Airlines jolaýshylar ushaǵyn ushý-qoný jolaǵynan ushyryp kete jazdady. Abyroı bolǵanda ony úıilgen qar ustap qalǵan. Atalaǵan oqıǵadan eshkim zardap shekpegen.
Buǵan deıin habarlaǵanymyzdaı, Kalıfornııadaǵy joıqyn daýyl sońy sý tasqynyna ulasty.