Iohann Nıklaýs Shnaıder-Amman 2016 jyly Shveıtsarııanyń prezıdenti boldy
ASTANA. QazAqparat - Shveıtsarııanyń Ekonomıka, bilim jáne zertteýler federaldyq departamentiniń qazirgi basshysy (mınıstr) Iohann Nıklaýs Shnaıder-Amman (Johann Niklaus Schneider-Ammann) 2016 jyly el prezıdenti boldy, dep habarlaıdy RIA Novostı.
Shveıtsarııanyń zańnamasy boıynsha, prezıdent eldiń Federaldyq keńesiniń qazirgi músheleriniń arasynan bir jylǵa taǵaıyndalady. Ol memleket basshysy bolyp tabylmaıdy, sebebi bul qyzmetterdi Federaldyq keńestiń barlyq músheleri ujymmen atqarady. Alaıda ol «teń adamdardyń arasynda birinshi» sanalyp, onyń daýysy aǵymdaǵy isterdi talqylaýda sheshýshi bolyp tabylady. Bul rette prezıdent jańa qyzmetin buǵan deıingi jumysymen birdeı atqarýyn jalǵastyrady.
Shnaıder-Ammann nemistildi Bern kantonyndaǵy shveıtsarııalyq Zýmısvald kommýnasynda dúnıege kelgen. Shveıtsarııanyń jańa prezıdenti bilimi boıynsha - ınjener-elektrık, biraq negizinen basqarýshy qyzmetterdi atqarǵan. 2010 jyly eldiń Federaldyq keńesiniń quramyna saılanyp, Ekonomıka, bilim jáne zertteýler mınıstriniń qyzmetine kiristi.
