Ylǵaldy kóp qajet etetin daqyldar alańdary qysqartylýda - AShM
«Ákimdikterdiń jedel derekteri boıynsha bıyl aýyl sharýashylyǵy daqyldary 22,7 mln gektar alańǵa egildi, bul 2020 jylǵy deńgeıden 78 myń gektarǵa kóp. Aǵymdaǵy jylǵy 3 maýsymdaǵy jaı-kúı boıynsha kóktemgi egis tolyǵymen aıaqtaldy, jazdyq egis alańy 19 mln gektardy, onyń ishinde dándi daqyldar 15,2 mln gektardy qurady», - dedi S. Omarov.
Onyń aıtýynsha, egis alańdarynyń qurylymyn rentabeldiligi joǵary daqyldardyń, sondaı-aq ımportty almastyrýǵa baǵyttalǵan daqyldardyń paıdasyna ártaraptandyrý jumysy júrgizildi. Osylaısha, bıyl maıly daqyldar alańy 11,9 myń gektarǵa, kókónis-baqsha daqyldary alańy 10,6 myń gektarǵa, kartop alańy 5,8 myń gektarǵa, azyqtyq daqyldar alańy 104,2 myń gektarǵa ulǵaıdy.
«Ósimdik sharýashylyǵyn ártaraptandyrý maqsattarynyń biri kúrish pen maqta sııaqty ylǵaldy kóp qajet etetin daqyldar alańdaryn birtindep qysqartý bolyp otyr. Máselen, kúrish alańy 8,1 myń gektarǵa, maqta alańy 18 myń gektarǵa qysqartyldy», - dedi mınıstr.