Iemenniń taqtan taıdyrylǵan prezıdenti ulttyq dıalog alańyn qurýdy usyndy
ASTANA. QazAqparat - Taqtan taıdyrylǵan Iemen prezıdenti Abd Rabbý Mansýr Hadı el astanasyn jaýlap alǵan hýsıtterdiń áskerı áreketteri zańǵa qaıshy degen málimdeme jasady, dep habarlady VVS.
Úı qamaqtan qashyp shyqqan soń eldiń ońtústigindegi Aden qalasyna jetken Hadı halyqaralyq qaýymdastyqtan saıası ahýalǵa qatysty kómek surady. Ol hýsıt sodyrlary basyp ala qoımaǵan Aden men Taız qalalarynda jańa saıası dıalog alańyn ornatýǵa shaqyrdy. Hadı prezıdenttikten ketý týraly ótinish bergenimen, qaǵaz júzinde áli memleket basshysy. Óıtkeni, Iemen parlamenti onyń otstavkasyna qatysty áli sheshim qabyldaǵan joq.
